Shri Bhairav Ji Ki Aarti

Suno Ji Bhairav Ladle, Kar Jod Kar Vinti Karun
Kripa Tumhari Chaihiye, Main Dhyan Tumhara Dharu
Main Charan Chuta Aapke, Arji Meri Sun Lijiye
Main Hun Mati Ka Nand, Meri Kuch Madad To Kijiye
Mahima Tumhari Bahut, Kuch Thodi Si Main Varnan Karu
!! Suno Ji Bhairav Ladle, Kar Jod Kar Vinti Karun !!

Karte Savari Swan Ki, Charo Disha Mein Rajye Hai
Jitney Bhoot Aur Pret, Sabke Aap Hi Sartaj Hai
Hathiya Hai Jo Aapke, Uska Kya Varnan Karu
!! Suno Ji Bhairav Ladle, Kar Jod Kar Vinti Karun !!

Mata Ji Ke Samne Tum, Nritya Bhi Karte Sada
Ga Ga Ke Gun Anuvaad Se, Unke Rijhate Ho Sada
Ek Saankali Hai Aapki, Tariff Uski Kya Karu
!! Suno Ji Bhairav Ladle, Kar Jod Kar Vinti Karun !!

Bahut Si Mahima Tumhari, Mahendipur Sarnam Hai
Aate Jagat Ke Yatri, Bajrang Ka Sthan Hai
Shri PrĂȘt Raaj Sarkar Ke, Main Sheesh Charano Mein Dharu
!! Suno Ji Bhairav Ladle, Kar Jod Kar Vinti Karun !!

Nish Din Tumhare Khel Se, Mataji Khush Rahe
Sir Par Tumhare Haath Rakh Kar, Aashirwad Deti Rahe
Kar Jod Kar Vinti Karu, Aru Sheesh Charano Mein Dharu
!! Suno Ji Bhairav Ladle, Kar Jod Kar Vinti Karun !!

Incoming Search Terms:

  • Bhairo Ji Ki Aarti
  • Aarti Lyrics